General

Ծաղկաձորում գտնվող Գոլդեն Փելիս հյուրանոցը հիանալի ընտրություն է շքեղ հանգիստը նախընտրողների համար: Ծաղկաձորը տարածաշրջանի այն հանգստավայրն է, որտեղ իրենց ժամանակը սիրում են անցկացնել թե՛ ակտիվ, թե՛ պասիվ հանգիստ նախընտրողները: Քաղաքը Հայաստանի միակ լեռնադահուկային հանգստավայրն է, որտեղ զբոսաշրջիկներն ու տեղացիները հնարավորություն ունեն զբաղվելու ձմեռային սպորտաձևերով՝ վայելելով լեռների և անտառների մաքուր օդը: Հյուրանոցի բարձրադիր դիրքը հնարավորություն է տալիս լեռնադահուկային սպորտի սիրահարներին կարճ ժամանակում հասնել Թեղենիս լեռան դահուկուղիներ: Ծաղկաձորի մեղմ կլիման բարենպաստ է նաև ամառային հանգստի համար: Լինելով իր տեսակի մեջ եզակի և տարածաշրջանում պաշտոնապես ճանաչում ստացած միակ 5-աստղանի հյուրանոցը, Գոլդեն Փելիսը առաջարկում է հանգիստը և ժամանցը անցկացնելու համար իդեալական պայմաններ: Հյուրանոցում առկա է բիլիարդի սրահ, սպա, մարզասրահ, լողավազան, ռեստորան, սիգար բար, մանկական սրահ և կոնֆերանս դահլիճներ: Այստեղ բոլոր համարներն ապահովված են լոգասենյակով, սանհանգույցով, հարթէկրան հեռուստացույցով, սառնարանով և ինտերնետ կապով: Հյուրանոցի ամենամեծ «Grand Hall» դահլիճը, որը նախատեսված է գործնական հանդիպումների համար, կարող է տեղավորել մինչը 700 մարդ:  Հյուրանոցի արհեստավարժ և բարեհամբույր անձնակազմը միշտ պատրաստ է կազմակերպել Ձեր հարմարավետ և անհոգ հանգիստը: Մոտակա տեսարժան վայրերն են Կեչառիս վանական համալիրը, Օրբելի եղբայրների տուն-թանգարանը, Ծաղկաձորի ճոպանուղին, սահուղիները:  Բարի գալուստ Գոլդեն Փելիս Ծաղկաձոր հյուրանոց: