General

Հայաստանի լավագույն հյուրանոցներից է համարվում «Նարե» հյուրանոցը, որը գտնվում է Երևան քաղաքի ամենահանգիստ տարածքներից մեկում` Նորքում: Հյուրանոցն իր այցելուներին առաջարկում է 30 սենյակներ, որտեղ ճաշակով ընտրված դեկորի յուրաքանչյուր տարր ստեղծում է չկրկնվող հարմարավետություն, իսկ պրոֆեսիոնալ և բարեհամբույր սպասարկումը ապահովում է հաճելի հանգիստ: Հյուրանոցում առկա է մեծ բացօթյա լողավազան, շոգեբաղնիք, բիլիարդի սրահ, կոնֆերանս դահլիճ՝ հագեցած նորագույն տեխնիկայով: Կառույցի տանիքում գտնվող սրճարանից բացվում է անզուգական տեսարան դեպի Արարատը և քաղաքի համայնապատկերը` ստեղծելով լիարժեք հանգստի միջավայր: Հարմարավետ ռեստորանում և բարում կարելի է վայելել հայկական և եվրոպական խոհանոցի  լավագույն ճաշատեսակները: «Նարե» հյուրանոցը լիովին համապատասխանում է ժամանակակից բոլոր ստանդարտներին: Այստեղ նաև առկա է տարբեր միջոցառումների կազմակերպման համար նախատեսված դահլիճ և հյուրանոցի այցելուների համար անվճար ավտոկայանատեղի: Հլուրանոցից «Զվարթնոց» միջազգային օդանավակայան կարելի է հասնել 20 րոպեում, իսկ քաղաքի կենտրոն` 10 րոպեում: